திருக்கயிலை காட்சி பெற்ற மகான் அப்பர் அடிகள்

Standard

திருக்கயிலை காட்சி பெற்ற மகான் அப்பர் அடிகள்

 

திருமுனைப்பாடி என்ற தலத்தில் திலகவதியாரின் சகோதராய் தோன்றியவர் திருநாவுக்கரசர் என்ற அப்பர் அடிகளார். சிறு வயதிலேயே ஞானம் பெற்றிருந்த படியால் சமண மத்தினரால் ஈர்க்கப்பட்டு அம்மதத்தில் சிறந்த சாஸ்திர நூல்கள் பயின்று சமண மத்தின் ஒளிவிளக்காய் விளங்கினார், தன்னுடைய தாய் மதமான சைவத்தினை மறந்து சமணத்தினுள் ஒன்றி வாழ்ந்து வந்தார். அங்ஙனம் நிகழும் வேளையில் சகோதரி திலவதியார் தனது தம்பியை தம் மதத்திற்கு கொண்டுவர திருவீரட்டீணிஸ்வரிடம் தினமும் வேண்டி அழுது புலம்பினார். இதன் பொருட்டு மனம் இறங்கிய ஈசன் உனது சகோதரன் விரைவில் உன்னிடம் சேர்வார் என்றும் சைவ மதத்தின் பால் ஈர்க்கப்பட்டு உன்னுடன் இறைத்தொண்டுடன் உழவாரப்பணி செய்வார் என்று அசிரீரி வாக்கு அருளினார். அதன்படி சமண மதத்தில் தருமசேனராக இருந்த நாவுக்கரசருக்கு தீராத சூலை நோயினைக் கொடுத்தார். இக் கொடிய சூலை நோயினை தன்னால் தாங்க இயலாது துடித்த தருமசேனருக்கு சமண மதத்தினரால் செய்த மருந்து மந்திரங்களால் யாதொரு பயனும் இன்றி இனி செய்வதறியாது தனது தமக்கையினை அண்டினார். உடனே திலகவதியார் வீரட்டானீஸ்வரர் முன் அழைத்துச் சென்று அவருக்கு திருவைந்தெழுத்து ஓதி திருநீறு அணிவித்து சூலை நோயினை தீர்க்க இறைவனிடம் வேண்டிக் கொள்ள செய்தார். நாவுக்கரசர் பெருமானும் “கூற்றாயின வாறு விலக்கலீ்ர்” என்ற பதிகம் பாடி சூலை நோயிலிருந்து விடுதலை பெற்று அன்று முதல் சைவ மதமே சிறந்தது தான் இதுவரை இவ்வளவு வீணில் கழித்தது கண்டு மனம்பழுங்கி இனி ஈசன் தொண்டே எனது பணி, என் கடன் பணி செய்து கிடப்பதே என்று அன்றிலிருந்து ஈசனுக்கு உழவாரப்பணி செய்து தொண்டாற்றி வந்தார்.
தருமசேனராகிய அப்பர் பெருமான் இந்து சைவ மதம் வந்து அங்கு தொண்டாற்றி வருவதை அறிந்த சமண மதத்தினர் அவரை மீண்டும் சமண மதத்திற்கு ஈர்க்க பல சூழ்ச்சி நிறைந்த கொடுமைகள் நாவுக்கரசர் பெருமானுக்கு செய்தனர். அதற்கு உறுதுணையாக அந்நாளில் நாட்டை ஆண்ட மன்னர்களும் சமண மதத்தை சார்ந்தவர்களாக இருந்தபடியால் அப்பர் அடிகளுக்கு இழைத்த கொடுமைகள் கணக்கில் அடங்கா/ கொடுமையின் தன்மையும் வாயால் சொல்ல முடியாதவை. அடியாரை யானையைக் கொண்டு மிதிக்க வைத்தும், காெடிய மிருகங்களால் தாக்கச்செய்தும், சுண்ணாம்பு காலவாயில் அடைத்தும், கல்லில் கட்டி கடலில் போட்டும் இன்னும் சொல்லொன்ன துயரில் ஆழ்த்தினர், ஆனாலும் அப்படிகள் யாதையும் பொருட்படுத்தாமல், திருவைந்தெழுத்து மந்திரம் ஒன்றே பிரதானம் நமச்சிவாய என்று பதிகங்கள் பாடி தொல்லைகளிலிருந்து விடுதலை பெற்று சைவ மதத்தினை வேறூண்ற செய்தார். இதனால் சில மன்னர்களும் மதம் மாறி சைவம் தழைக்க காரணமானார்.
இவ்வாறு தனது சைவ பணியுடன் இறைவரைக்காண ஆவல் கொண்டு திருக்கயிலை மலை தன் கால்களால் நடந்தே சென்றார். வயது முற்றிய பருவத்தில் தன்னால் மலை ஏற முடியாத சூழலிலும் தவண்டு சென்று திருக்கயிலை நெருங்கிய நேரத்தில் இறைவர் ஒரு சிவனடியார் வடிவில் வந்து உமக்கு திருவையாற்றில் கயிலைக் காட்சி அளி்ப்பேன் என்று இக்குளத்தில் முழ்கி திருவையாற்றில் எழுவாயாக என்று வாக்கு கொடுத்தார், அதன்படி அப்பர் அடிகள் அக்குளத்தில் மூழ்கி திருவையாற்றில் எழுந்தார், அன்று ஆடி அமாவாசை தினமாகும், அந்நாளில் திருவை யாற்றிலேயே அப்பர் அடிகளுக்கு திருக்கயிலை காட்சியே கிடைத்தது. அதுமட்டுமன்றி இறைவருடன் முப்பத்தி முப்பது தேவர்களூம், இறைவர் உமையொரு பாகனாக தேவியாரோடு காட்சி தந்தது கிடைத்ததரிய காட்சி. அக்காட்சியின் நினைவாகவே இன்றும் திருவையாற்றில் அப்பர் கயிலை கண்ட காட்சி திருவிழாவாக கொண்டப்படுகிறது.இதன் நினைவே இன்று ஆடி அமாவாசையில் இராசபாளையம் நகரில் பிரபஞ்ச யோகா அமைப்பின் மூலம் திருக்கயிலை காட்சி விழா சிறப்புடன் கொண்டாடப்பட்டு இறைப்பணியில் நமது பங்காக அப்பர் அடிகளையும் திருக்கயிலை நாதரையும் கண்டு மனம் குளிர வாய்ப்பு அடியேனுக்கும் கிடைத்தது.

திருகயிலை மலையானே போற்றி
எந்நாட்டவருக்கும் இறைவா ேபாற்றி
ஈசா போற்றி இறைவா போற்றி
ஓம் நமசிவாய

திருச்சிற்றம்பலம்

 

 

ஆடி அமாவாசை

Standard

ஆடி அமாவாசை… வீடு தேடி வரும் முன்னோர்கள்

சூரியனும் சந்திரனும் ஒரே பாகையில் பூமிக்கு நேராக வரும் பொழுதும் அமாவாசை திதி உண்டாகிறது,மாதந்தோறும் வரும் அமாவாசை தினமானது, இறந்த நமது முன்னோர்களை நினைத்து விரதம் அனுஷ்டிக்க ஏற்ற நாளாகும். இவற்றில் தை அமாவாசை, ஆடி அமாவாசை, புரட்டாசி அமாவாசை போன்றவை முக்கியத்துவம் கொண்டவை. ஆடி மாதத்தில் சந்திரன் உச்சம் பெற்ற கடக ராசியில், சூரியன் சஞ்சரிப்பதே இதற்கு காரணம். சூரியன் சிவ அம்சம், சந்திரன் சக்தியின் அம்சம். இவ்விரண்டு அம்சங்களும் ஆடி அமாவாசை தினத்தில் ஒன்றிணைவதால் ஆடி அமாவாசை முக்கியத்துவம் பெறுகிறது.
இந்த விரதம் நமது முன்னோர்களை வேண்டி வணங்கும் விரதம் என்றாலும், இறந்த தந்தைக்காக பிள்ளைகள் அனுஷ்டிக்கும் விரதம் என்று கூறுவார்கள். காலையில் எழுந்து ஆற்றிலோ, குளத்திலோ நீராடிவிட்டு, கரையோரத்தில் அமர்ந்து அந்தணர்களைக் கொண்டு தர்ப்பணம் செய்ய வேண்டும். ஆற்றிலோ, குளத்திலோ நீராட முடியாதவர்கள் வீட்டில் நீராடிவிட்டு அருகில் உள்ள ஆலயத்துக்கு சென்று, அங்கு அந்தணர்கள் மூலம் தர்ப்பணம் செய்யலாம்.
இந்த விரதம் நமது முன்னோர்களை வேண்டி வணங்கும் விரதம் என்றாலும், இறந்த தந்தைக்காக பிள்ளைகள் அனுஷ்டிக்கும் விரதம் என்று கூறுவார்கள். காலையில் எழுந்து ஆற்றிலோ, குளத்திலோ நீராடிவிட்டு, கரையோரத்தில் அமர்ந்து அந்தணர்களைக் கொண்டு தர்ப்பணம் செய்ய வேண்டும். ஆற்றிலோ, குளத்திலோ நீராட முடியாதவர்கள் வீட்டில் நீராடிவிட்டு அருகில் உள்ள ஆலயத்துக்கு சென்று, அங்கு அந்தணர்கள் மூலம் தர்ப்பணம் செய்யலாம்.
இறை விருப்பப்படி மானிடருக்கு ஆசி கூறி இல்லறத்தை நல்லறமாக்கி நல்வாழ்வுக்கு வழிகாட்டும் அதிகாரம் படைத்தவர்கள் தேவர்களும், பித்ருக்களுமே! அமாவாசை தினம் பிதிர் கடன் செய்வதால் மூதாதையர், ரிஷிகள், தேவர்களின் ஆசி கிடைக்கின்றது என்பது ஐதீகம்.
நமது முன்னோர்களில் ஒருவர் இறந்த திதி, பட்சம், தமிழ்மாதம் அறிந்து, ஒவ்வொரு தமிழ்வருடமும் அதே திதியன்று(ஆங்கிலத் தேதிக்கு ஒவ்வொரு ஆண்டும் மாறிவரும்) குடும்பத்தார்கள் பிண்டம் செய்து வைத்து படைப்பதே சிரார்த்தமாகும். இதனால் குடும்பத்தில் சகல தோஷங்களும் நிவர்த்தியாகின்றன. இந்த தர்ப்பணத்தை இதேபோல அமாவாசைத் திதிகளிலும்செய்து வந்தால் மிகப்பெரும் நன்மைகள் உண்டாகும்.அமாவாசைத் திதி, மாதா மாதம் நிகழ்ந்தாலும் அவற்றுள் தைமாதத்திலும்,புரட்டாசி மாதத்தில் வரும் மகளாய அமாவாசைக்கும், ஆடி மாதத்தில் வரும் அமாவாசைத் திதிக்கு அதிக சிறப்பு உண்டு.

அமாவாசை என்பது நிறைந்த நாள்’ என்று சொல்லி நல்ல காரியங்களை ஆரம்பிக்கும் வழக்கம் சமீபகாலமாக உள்ளது. சாஸ்திரத்தில் இதற்கான ஆதாரம், சான்றுகள் இல்லை. அமாவாசை என்பது இருட்டு நாள். நீத்தார் நினைவு நாள் என்றே பல நூல்களில் குறிப்பிடப்பட்டுள்ளது. பிரதோஷ கால பூஜையில் திரயோதசி திதி முதல் பிரதமை திதி வரை எந்த புது காரியமும் தொடங்க கூடாது என பிரதோஷ வழிபாடு வலியுறுத்துகிறது. ஆகையால் அமாவாசையை நீத்தார் நினைவு கூர்வதற்கு மட்டுமே பயன்படுத்துவது நலம் தரும். ஆடி அமாவாசையன்று முன்னோரை நினைத்து வழிபடுவோம். அவர்களது ஆசியையும், இறைவனின் அருளையும் பெறுவோம்.

 

இதேபோல் ஆடி அமாவாசை திருநாவுக்கரசருக்கு திருவையாற்றில் எம்பெருமான் கைலைக் காட்சி அளித்து முக்தியளித்ததும் இந்நாள்தான்
திருச்சிற்றம்பலம்

தலங்களும் தாண்டவங்களும்

Standard

தலங்களும் தாண்டவங்களும்

சிவபெருமானின் தாண்டவங்கள்

நடனக்கலைக்கு நாயகனாக திகழ்பவர் சிவன். அதனால்தான் அப்பெருமானை “ நடேசன் “ என்று போற்றுகின்றோம். இவர் 108 நடனங்களை ஆடியிருக்கிறார். இதில் அவர் மட்டும் தனித்து ஆடியவை 48. தேவியோடு சேர்ந்து ஆடியவை 36. திருமாலுடன் ஆடியது 9. முருகப்பெருமானுடன் ஆடியது 3. தேவர்களுக்காக ஆடியது 12 ஆகும். சிதம்பரத்தில் இவர் ஆடும் ஆனந்த தாண்டவத்தை தரிசிப்பவர்கள் முக்தி நிலையை அடைவார்கள். இதனை “ பார்க்க முக்தி தரும் தில்லை “ என்று கூறுவர். நம் ஆன்மாவை சிவகாமியாக எண்ணி நடராஜப்பெருமானின் நடனத்தை காண வேண்டும் என்பது ஐதீகமாகும்.

சிவ தாண்டவம்

 

1, பாண்டுரங்க நடனம் – முப்புரம் எரிக்க முற்பட்டபோது பிரமன் தேரோட்டியாக இருந்தார். கலங்கிய கலைமகளை தேற்றி கலக்கத்தை போக்க ஆடியது {திருவதிகை} கொடிகுகாட்டி நடனம்-திரிபுரம் எரித்த பின் ஆடியது.

2, கொடுகொட்டி நடனம் – திரிபுரம் எரித்த பின் மகிழ்ச்சியோடு தாளமாட சிவனார் தன் கரங்களை கொட்டி ஆடியது.

3, சந்தியா நிருத்தம் – ஆலகால விஷம் உண்டு. அறிதுயிலில் இருந்த சிவன், தேவர்கள் வழிபட்ட பின் மறுநாள் பிரதோஷத்தில் {திரயோதசி திதி} டமருகம் ஏந்தி, சூலத்தை சுழற்றி ஒரு ஜாம நேரம் ஆடியது.

4, சண்டா தாண்டவம் – திருவாலங்காட்டில் காளியின் செருக்கை அடக்க, பைரவர் மூர்த்தங்கொண்டு ஆடியது.

5, கௌரி தாண்டவம் – தாருகாவனத்தில் மோகினி வடிவெடுத்த திருமாலுடன் ஆடியது போல கௌரிக்கு கயிலையில் ஆடிக்காட்டியது.

6, வீரட்டகாச நடனம் – குமரக்கடவுள் பிரணவப் பொருளை உணர்த்தியபோது தானும் குமரனும் ஒன்றே என்று வீரம் புலம்பட ஆடியது.

7, ஆனந்த தாண்டவம் – பதஞ்சலி, வியாக்ரபாதர் காண சிவகாமியம்மை உளம் மகிழ முயலகன் முதுகுமிதித்து சிதம்பரத்தில் ஆடியது.

8, அனவரத நடனம் – ஆன்மாக்களுக்குப் போக முக்திகளை அளிக்கும் பொருட்டு படைப்பு முதலான செயல்களை செய்து எப்போதும் ஆடும் நடனம்.

9, மஹா சங்கர நடனம் – மஹா பிரளய காலத்தில் உலகம் அனைத்தும் பராசக்தியில் ஒடுங்க, பராசக்தி பரமசிவத்தில் ஒடுங்க, பரமசிவன் ஒருவனே தானாக இருந்து ஆடியது.

நடராஜர் சுற்றி திருவாசி உள்ளது. அதில் 51 சுடர்கள் இருக்கும். திருவாசி என்பது ஓம் என்ற பிரணவ மந்திரத்தையும் 51 சுடர்கள் 51 எழுத்துக்களையும் சுட்டிக்காட்டக்கூடியது. ஆண் ஆடுவது – தாண்டவ நடனம், பெண் ஆடுவது – லாஸ்ய நடனம். நடராஜர் கால்மாறி ஆடியது மதுரை, கீள்வேளூர், திருவக்கரை. தூக்கிய திருவடி இடுப்புக்குமேல் நிறுத்துவது வக்ர தாண்டவம் ஆகும்.

ஈசன் நடனம்

 

 

 

1, மதுரை – வரகுன பாண்டியனுக்கு காலமாறி {வலதுபாதம்} தூக்கி ஆடியது.

2, கீள்வேளூர் – அகத்தியருக்கு 10 கைகளுடன் நடராஜர் கால்மாறி {வலதுபாதம்} தூக்கி ஆடியது.

3, திருவாலங்காடு, சிதம்பரம் – இறைவன் காளியுடன் நடனமாடியது.

4, மயிலாடுதுறை – அம்பாள் மயில் வடிவம் கொண்டு ஈசன் முன்பு கௌரி தாண்டவம் ஆடினார்.

5, திருப்புத்தூர் – சிவன் லட்சுமிக்கு கௌரி நடனத்தை ஆடி காட்டியது.

6, திருவிற்கோலம் – காளி அம்மன் ஆலங்காடு பெருமானோடு தர்க்கித்து ரக்ஷா நடனம் ஆடி மகா தாண்டவம் ஆடியது.

7, திருவாவடுதுரை – இறைவன் வீர சிங்க ஆசனத்தில் சுந்தர நடனம் மகா தாண்டவம் ஆடியது.

8, திருக்கூடலையாற்றார் – பிரம்மனுக்கு நர்த்தனம் செய்து காட்டியது.

9, திருவதிகை – சம்பந்தருக்கு இறைவன் திருநடனம் ஆடிகாட்டியது. இறைவி பாட இறைவன் ஆடியது.

10, திருப்பனையூர் – ஊரின் புறந்தே சுந்தரமூர்த்திக்கு நடன காட்சி தந்தது.

11, திருவுசாத்தானம் – விஸ்வாமித்திரருக்கு நடன காட்சி தந்தது.

12, திருக்களர் – துர்வாச முனிவருக்கு பிரம்ம தாண்டவம் ஆடி காட்டியது.

13, திருவான்மியூர் – வான்மீகி முனிவர்க்கு இறைவன் பிரம்ம தாண்டவ நடன காக்ஷியும் கல்யாண காட்சியும் அருளியது.

14, கொடுமுடி – சித்ரா பௌர்ணமியில் பரத்வாச முனிவருக்கு நடராஜர் சதுர்முகத்தாண்டவ நடன காட்சி அருளியது.

15, திருமழபாடி – மார்கண்டேயருக்கு மழு ஏந்தி நடன காட்சி தந்தது.

16, கஞ்சனூர் – பராசர முனிவர்க்கு முக்தி தாண்டவம் அருளியது.

17, திருக்காறாயில் – பதஞ்சலி முனிவருக்கு 7 வகை தாண்டவங்களை காட்டியது. கபால முனிவருக்கு காட்சி தரல்.

18, அரித்துவார மங்களம் – உபமன்யு மகரிஷிக்கு இறைவன் திருநடனமாடி அருள் புரிந்தது.

19, திருவொற்றியூர் – மாசி மாதத்தில் நந்திக்கு நாட்டிய காக்ஷி.

20, திருக்கச்சூர் – திருமாலுக்கு நடன காட்க்ஷி தியாகராஜர் அருளியது.

21, திருப்பைஞ்ஜிலி – வசிட்ட முனிவர்க்கு நடராஜர் நடன காட்க்ஷி அருளியது.

22, கொடுமுடி, கூடலையாற்றூர், திருகளர், திருமுருகன்பூண்டி – பிரம்மனுக்கு ஈசன் நடன காட்க்ஷி.

23, திருத்துறைபூண்டி – நடராஜர் சந்திர சூடாமணி தாண்டவமாடுகிறார். அகத்தியர் நடனத்தை கண்டும் வேதாரயேஸ்வரரின் மணக்கோலத்தையுக் கண்டார்.

திருச்சிற்றம்பலம்!