மகாளய அமாவாசை

Standard

மகாளய அமாவாசை

மகாளய அமாவாசை வழிபாட்டால் பித்ருக்களின் ஆசி கிடைக்க பெறும்!!!
ஒவ்வொரு மாதமும் அமாவாசை வருகிறது. ஆனால், ஆடி அமாவாசை, புரட்டாசி அமாவாசை மற்றும் தை அமாவாசையை நமது முன்னோர்கள் சிறப்பித்து வழிபட்டு வந்துள்ளனர். இவை அனைத்தையும் விட புரட்டாசி மாதத்தில் வரும் அமாவாசை சிறப்பு வாய்ந்தது. புரட்டாசி மாதத்தில் வரும் அமாவாசையே ‘மகாளய அமாவாசை’ எனப்படுகிறது.

மகாளய பட்சம் அல்லது மகாளய அமாவாசை என்பது புரட்டாசி மாதம் பவுர்ணமிக்கு மறுநாள், பிரதமை திதியில் துவங்கி, புரட்டாசி மாதம் அமாவாசை வரை நீடிக்கும். புரட்டாசியில் வரும் அமாவாசையே மகாளய அமாவாசை எனப்படும். இது நாளை 19,09,2017 செவ்வாய்கிழமை வருகிறது.
இந்த நாட்களில் இறந்தவர்களுக்கு சடங்குகள் நிகழ்த்தப்படுவதால் மற்ற பணிகளுக்கு நல்ல நாட்களாகக் கருதப்படுவதில்லை. இந்நாட்களில் மங்கல நிகழ்வுகளான திருமணம் போன்றவை கொண்டாடப்படுவதில்லை. மேலும் புதிய வணிக முயற்சிகளைத் துவக்குதல், வீடு/வாகனங்கள் வாங்குதல் ஆகியனவும் தவிர்க்கப்படுகின்றன

இன்று மகாளய அமாவாசை என்பதால் புண்ணிய தீர்த்தங்களில் மக்கள் புனித நீராடி முன்னோருக்கு தர்ப்பணம் செய்தனர். ராமேஸ்வரம் அக்னி தீர்த்த கடல், கன்னியாகுமரி முக்கடல் சங்கமம், திருச்செந்தூர் கடல், பவானி கூடுதுறை, திருச்சி காவிரி ஆறு, திருவையாறு உள்பட தமிழகத்தின் பல்வேறு பகுதிகளிலும் மக்கள் கூட்டம் கூட்டமாக வந்து திதி கொடுத்தனர்.

பட்சம் என்றால் பதினைந்து நாட்கள். மறைந்த நம் முன்னோர் பித்ரு லோகத்திலிருந்து இந்த பதினைந்து நாட்கள் நம்மோடு தங்கும் காலமே மகாளய பட்சம் ஆகும். பித்துரு வழிபாடு இல்லற வாழ்க்கைக்கு பித்ருக்களின் ஆசியும், ஆசீர்வாதங்களும் கிடைக்கப்பெற்று சிறப்பளிக்கின்றன என்பதனால் எம் முன்னோரால் பின்பற்றப்பெற்று வந்துள்ளமை குறிப்பிடத் தக்கது.

பித்ருக்களை நாம் அவமதித்தால் அல்லது அவர்களை உதாசீனம் செய்தால் அவர்கள் நம்மை சபித்து விடுவார்கள் என்பதும், அதனால் நாம் குடும்ப வாழ்கையில் பல துன்பங்களை அனுபவிக்க நேரிடும் என்பதும் இந்துகளின் ஐதீகமாக கூறப்படுகிறது.

தை அமாவாசை, ஆடி அமாவாசை ஆகியவற்றை விட திதி கொடுப்பதற்கு மிகவும் சிறந்தது மகாளய அமாவாசை. வருடத்தில் மற்ற மாதங்களில் வரும் அமாவாசையன்று முன்னோரை நினைத்து வழிபாடு செய்வோம். ஆனால், மகாளய பட்ச காலத்தில் பிரதமை துவங்கி அமாவாசை வரை உள்ள காலத்தில் தர்ப்பணம் செய்ய வேண்டும். அனைத்து முன்னோர்களையும் அப்போது நினைவு கூற வேண்டும். புனித நீர் நிலைகளுக்கு (கடலுக்கு) சென்று புனித நீராடி, நம் முன்னோர் ஆத்மசாந்திக்காக பிரார்த்தித்து தர்ப்பணம் செய்வது நல்லது.

நமது வாழ்வில் வரும் இன்ப துன்பங்கள் யாவும் நாம் எமது முற்பிறப்பில் செய்த பாவ புண்ணியத்துக்கு ஏற்ப அமையபெறுகிறது. அதிலே பிதுர் காரியமும் ஒன்றாகும். அதனை நாம் சிரமமாக பார்க்காமல் சிரத்தையுடன் செய்ய வேண்டும். அது தவறின் பிதுர்களின் கோபத்துக்கு ஆளாவோம் என ஜோதிட சாஸ்திரம் கூறுகின்றது.

இந்த பதினைந்து திதி நாட்களில் நம் மூதாதையர் இவ்வுலகை நீத்த நாளில் அவர்களுக்காக தர்ப்பணம் என்ற நீத்தார் கடனை நிறைவேற்றி, மானசீகமாக அவர்களை தம் இல்லத்திற்கு வரவழைத்து, சாதம் இட்டு, அவர்கள் உயிரோடு இருக்கும்போது அவரைப் பராமரித்த பாவனையில் நடந்துகொள்வது இந்த சம்பிரதாயத்தின் நோக்கமாக உள்ளது.
அவர்களுடைய ஆன்மா எல்லாம் புண்ணியம் அடைய இந்த அமாவாசை நாளில் இந்த தர்ப்பையோடு கல்ந்த நீரை அவர்களுக்காக அர்ப்பணிக்கிறேன் என்று பொருள்.
மகாளய அமாவாசையில் நீங்கள் செய்யும் அன்னதானம் உங்கள் முன்னோர்களின் ஆத்ம பலத்தை அதிகரிக்க செய்யும் என்பதை மறந்து விடாதீர்கள். இந்த தான-தர்மம் மூலம் மகிழ்ச்சி அடையும் உங்கள் முன்னோர்கள் மிகவும் திருப்தியுடன் உங்கள் வீட்டில் இருந்து பித்ருலோகத்துக்கு கிளம்பிச் செல்வார்கள். அவர்கள் மன நிறைவுடன் வாழ்த்த, வாழ்த்த உங்கள் வாழ்க்கையில் மேம்பாடு உண்டாகும்.

மகாளய அமாவாசையில் பித்ருக்களுக்கு தர்ப்பணம் செய்து, அவர்களது அருளையும், ஆசியையும் பெறுவோம்.

திருச்சிற்றம்பலம்
தொகுப்பு ; வை.பூமாலை, சுந்தரபாண்டியம்
மேலும் பல ஆன்மீகத்தகவலுக்கு
https://vpoompalani05.blogspot.in/
https://vpoompalani05.wordpress.com/

Advertisements

இடையறா அன்பு

Standard

இடையறா அன்பு
கணவனராது மனநிலையை அறிந்த காரைக்கால் அம்மைஎன்ற புனிதவதியார் தம் உடல் அழகை நீக்கி பேய் வடிவத்தினை அளிக்கும்படி இறைவனிடம் வேண்டினார். திருவருளால் தசைகள் நீங்கப்பட்ட எலும்பு வடிவமாகி நின்றார்.

புனிதவதியார் தமக்குச் சிவபெருமானுடைய திருவருளினாலே கிடைத்த ஞானத்தைக்கொண்டு, அற்புதத்திருவந்தாதியும் திருவிரட்டைமணிமாலையும் பாடி, திருக்கைலாச கிரிக்குப் போகவிரும்பி, மனசிலும் பார்க்க மிகுந்த வேகத்தோடு சென்று, அந்தத்திருக்கைலாசகிரியின் பக்கத்தை அடைந்து, அங்கே காலினால் நடத்தல் தகுதியன்றென்று ஒழிந்து, தலையினாலே நடந்துபோய், மலையிலேறினார், ஏறும்பொழுது, உமாதேவியார் அதைக் கண்டு, எம்போலிகள் புனிதவதியாருடைய திடப்பத்தியைக் குறித்து உலகமாதாவாகிய உமாதேவியாரே ஆச்சரியம் அடைந்தாராயின், நாம் எவ்வளவு ஆச்சரியம் அடைதல் வேண்டுமென்று சிந்திக்கச் செய்யும் பொருட்டுத் தாம் ஆச்சரியமுடையவராகி, அவரது பத்தி மகிமையை உயர்வொப்பில்லாத பரமசிவனுடைய திருவாக்கினாலே நமக்கு உணர்த்துவித்து நம்மை உய்விக்கத் திருவுளங்கொண்டு, அக்கடவுளை வணங்கி நின்று, “சுவாமீ! இங்கே தலையினால் நடந்து ஏறிவருகின்ற எற்புடம்பை யுடையவரது அன்பின் மகிமை இருந்தபடி என்னை” என்று விண்ணப்பஞ்செய்ய, பரமசிவன் “இங்கே வருகின்றவள் நம்மைத் துதிக்கின்ற அம்மை என்றறியாயோ இந்தப் பெருமை பொருந்திய வடிவத்தையும் வேண்டிப் பெற்றாள்’ என்றார்.
அருகில் வந்த அம்மையாரை நோக்கி பிறப்பு இறப்பு இல்லாத பரம்பொருள் ” அம்மையே என்று அழைத்து, அம்மையே இங்கு நம்பால் வேண்டுவது யாது? என்றருள் செய்தார். ஆதியும் அந்தமும் இல்லாத அண்ணாலார்
தாயும்தந்தையும் இல்லாத பரம்பொருள் காரைக்கால்யம்மையான ” அம்மையே ” என்று புகழ்கின்றது. அம்மை வேண்டி நின்ற வரம் என்ன தெரியுமா? இறாவாத இன்ப அன்பு ம், மகிழ்ந்து பாடி அடியின் கீழ் இருக்கும் திறமும் அருள் வேண்டும் என வேண்டினார்.
இறரவாத இன்பு அன்பு வேண்டிபின் வேண்டுகிறார்
பிறவாமை வேண்டும் மீண்டும் பிறப்பு உண்டேல் உன்னை என்றும்
மறவாமை வேண்டும் இன்னும் வேண்டும் நான் மகிழ்ந்து பாடி
அறவா நீ ஆடும்போது உன் அடியின் கீழ் இருக்க ” என்றார்

எடுத்த எடுப்பிலேயே அம்மையார் வேண்டியது இறவாத இன்ப அன்பு இந்த அன்பைத்தான் மணிவாசகப் பெருமான்
” இடையறா அன்பு உனக்கு என் ஊடகத்தே நின்று உருகத் தந்தருள் எம் உடையவனே ” என்கிறார்
திருச்சிற்றம்பலம்
தொகுப்பு ; வை.பூமாலை, சுந்தரபாண்டியம்
மேலும் பல ஆன்மீகத்தகவலுக்கு
https://vpoompalani05.blogspot.in/
https://vpoompalani05.wordpress.com/

இன்றைய இறை வணக்கப்பாடல்

Standard

இன்றைய இறை வணக்கப்பாடல்

மாணிக்க வாசக பெருமான்  திருப்பெருந்துறையில் அருளியது

திருமுறை 8 பதிகம் 5, திருச்சதகம்

மெய்  உணர்தல்

மாணிக்கவாசகர் தன் நாட்டிற்கு அரபிய நாட்டுக்குதிரைகள் வாங்க கீழக்கடற்கரைக்கு சென்ற போது இறைவர் திருப்பெருந்துறை என்ற இடத்தில் ஒரு சோலையில் குருந்த மரத்தடியில் இறைவர் சிவயோகி வேடம் கொண்டு தன் சீடர்களுக்கு ஞான பொருட்களை விளக்கிக் கொண்டிருப்பதை கண்ட மாணிக்க வாசகர் அக்குருவின் காலடியில் விழுந்து வணங்க, சிவயோகியும் தான் வந்த நோக்கம் நிறைவேறியதன்று அறிந்து மணிவாசகருக்கு ஞான தீட்சை அளித்தார், அந்நேரத்தில் தான் பெற்ற இறைஞான இன்பத்தில் தழைத்து தான் அளவிலா ஆனந்தம்  கொண்டார், இந்நிகழ்வை நினந்து நினைந்து மனம் உருகி வெம்பி திருப்பெருந்துறை யில் பெற்ற அனுபவத்தை நினைந்து மறக்கவொன்ன நிலையில் பதிகங்கள் பாடி தன் பாடல்களால் இறைவரையும் உருக்கி, இதனை படிக்கும் நாமும் மனம் உருக வைக்கும் திறம் கொண்ட பாடல்களை நமக்கு அருளியுள்ளார்.அவர் தன்னை இகழ்ந்து இறைவரை புகழ்ந்து பாடும் தன்னை தனக்கே உரித்தானதாகும், தன்னை ஒரு நாயினும் கீழாகவும் ஈசனை தாயினும்  மேலாகவும்  பாவித்து வேண்டுவார், ”    நாயிற்கடையாய் கிடந்த அடியேற்கு தாயிற் சிறந்த தத்துவனே ” என்றும்,  பால் நினைந்தூட்டும் தாயினும் சாலப்பரிந்து ” என்றும் இறைவரை வேண்டும் தன்மையுடையவர்,

இப்பாடல் நம்மை மெய் சிலிர்க்க வைக்கும் பாடல்கள் நாம் இறைவன்பால் தன்னை மறந்து தன் உள்ளம் உருகி பாடும் பாடலால் இப்பதிகம் மெய் உணர்தல் என்ற பதிவில் வைக்கப்பட்டுள்ளது. மணிவாசப் பெருமான் இறைவரை என்னை ஆட்கொண்ட பெருமானே உனது மனம் நிறைந்த திருவடியைப் பெறுவதற்கு என் தேகம் புளுகித்து நடுநடுங்கி கைகளை தலையில் ைவத்து கண்களில் நீர் நிரம்பி,மனம் பழுங்கி பொய் ஒழுக்கத்தினின்று நீங்கி உண்மைப் பொருளாகிய உன்னை போற்றி ேபாற்றி என்று வழிபடுகின்ற ஒழுக்கத்தை நான் தளவிடேன் ஆதனால் என் நிலை புரிந்து உன் அடியவர்களுள் ஒருவனாக என்னையும் ஏற்றுக்கொண்டு எனக்கு அருள்புரிய வேண்டுகின்றார். இதே இந்த பாடல்களை நாமும் பாடி இறைவர் அருள் வேண்டுவோம்

மெய்தான் அரும்பி விதிர்விதிர்த்து உன்விரை

யார்கழற்குஎன்

கைதான் தலைவைத்துக் கண்ணீர் ததும்பி

வெதும்பியுள்ளம்

பொய்தான் தவிர்ந்துன்னைப் போற்றி சயசய

போற்றியென்னும்

கைதான் நெகிழ விடேன்உடை யாய்என்னைக்

கண்டுகொள்ளே

எல்லாவற்றையும் உடையவனே! உனது, மணம் நிறைந்த திருவடியைப் பெறுதற்கு என் உடல் புளகித்து, நடுநடுங்கி கைகளைத் தலைமேல் வைத்து, கண்களில் நீர் வடிந்து, மனம் புழுங்கி, பொய்நீங்கி, உன்னைக் குறித்து வணங்கித் துதிக்கின்ற ஒழுக்கத்தை நான் தளர விட மாட்டேன். ஆதலால் எனது நிலைமையை, நீ நோக்கி உன் அடியாருள் ஒருவனாக ஏற்றுக் கொள்வாயாக!

இப்பாட்டினை, `உடையாய், யான், உன் கழற்கு, மெய் மயிர் அரும்பி, விதிர்விதிர்த்து, கண் நீர் ததும்பி, உள்ளம் வெதும்பி, பொய் தவிர்ந்து, கை தலைவைத்து, `போற்றி! சய! சய! போற்றி` என்று உன்னைத் துதிக்கும் கையை நெகிழ விடேன்; ஆதலின் என்னை நீ கண்டுகொள்` என்கிறார்,

உனது திருவடிக்கண் நீங்காது அன்பு செய்து ஒழுகுகின்றேன்; எனக்கு இரங்கியருள்` என்பது இத் திருப்பாட்டின் திரண்ட பொருள். இதனுள், `மனம், மொழி, மெய்` என்னும் மூன்றும் அன்பு வழிய வாயினமை அமைந்து கிடந்தவாறறிக.

`கை“ இரண்டனுள், பின்னையது ஒழுக்கம். உள்ளம் வெதும்புதல் திருவடிப் பேறு கிடையாமையினாலாம். “உன்னை“ என்பது “என்னும்“ என்பதனுள் எஞ்சிநின்ற துதித்தல் வினையோடு முடிந்தது. கண்டுகொள் – எனது நிலையை நோக்கி அருள் செய்யத் திருவுளங்கொள்.

`திருச்சிற்றம்பலம்

தொ

குப்பு ; வை.பூமாலை,சுந்தரபாண்டியம்

மேலும் பல ஆன்மீகத்தகவலுக்கு

https://vpoompalani05.blogspot.in/

https://vpoompalani05.wordpress.com/

கர்மா

Standard

கர்மா

கர்மா
கர்மா என்பது என்ன என்பதை விளக்கும் முகமாக ஒரு குரு தன் சீடர்களுக்கு கதையொன்றைக் கூறினார்!
ஒரு நாட்டின் மன்னன் யானை மீதமர்ந்து நகர்வலம் சென்று கொண்டிருந்தான்! அப்போது கடைத்தெருவில் ஒரு குறிப்பிட்ட கடை வந்த பொழுது மன்னன் அருகிலிருந்த மந்திரியிடம்..
“மந்திரியாரே ஏனென்று எனக்குப் புரியவில்லை ஆனால் இந்தக் கடைக்காரனைத் தூக்கிலிட்டுக் கொன்று விடவேண்டும் என்று தோன்றுகிறது” என்றான். மன்னனின் பேச்சைக் கேட்ட மந்திரி அதிர்ந்து போனான்! மன்னனிடம் விளக்கம் கேட்பதற்குள் மன்னன் அக்கடையைத் தாண்டி நகர்ந்து விட்டான்!
அடுத்த நாள் அந்த மந்திரி மட்டும் தனியாக அந்தக் கடைக்கு வந்தான்! அந்தக் கடைக்காரனிடம் யதார்த்தமாகக் கேட்பது போல வியாபாரம் நன்றாக நடக்கிறதா என்று விசாரித்தான்! அதற்கு கடைக்காரன் மிகவும் வருந்தி பதில் சொன்னான்! அவன் சந்தனக் கட்டைகளை வியாபாரம் செய்வதாகத் தெரிவித்த கடைக்காரன் “ என் கடைக்கு வாடிக்கையாளரே யாரும் இல்லை! கடைக்கு நிறைய மக்கள் வருகின்றனர்!
சந்தனக் கட்டைகளை முகர்ந்து பார்க்கின்றனர்!
நல்ல மணம் வீசுவதாகப் பாராட்டக் கூட செய்கின்றனர்,
ஆனால் யாரும் வாங்குவதுதான் கிடையாது” என்று வருத்தத்துடன் சொன்னான் கடைக்காரன்.
அதன் பின் அவன் சொன்னதைக் கேட்ட மந்திரி அதிர்ந்து போனான்! “இந்த நாட்டின் அரசன் சாகும் நாளை எதிர்நோக்கியுள்ளேன்! அவன் இறந்து போனால் எப்படியும் எரிக்க நிறைய சந்தனக் கட்டைகள் தேவைப்படும் எனக்கு நல்ல வியாபாரம் ஆகி என் கஷ்டமும் தீரும்” என்றான் கடைக்காரன்! அவன் சொன்னதைக் கேட்ட மந்திரிக்கு முதல் நாள் அரசன் சொன்னதன் காரணம் என்னவென்று விளங்கியது! இந்தக் கடைக்காரனின் கெட்ட எண்ணமே மன்னனின் மனதில் எதிர்மறை அதிர்வுகளை அவனறியாமல் உண்டாக்கி அப்படிச் சொல்ல வைத்தது என்று உணர்ந்தான் மந்திரி!
மிகவும் நல்லவனான அந்த மந்திரி இந்த விஷயத்தை சுமுகமாகத் தீர்க்க உறுதி பூண்டான்! தான் யாரென்பதைக் காட்டிக் கொள்ளாமல் அவன் கடைக்காரனிடம் கொஞ்சம் சந்தனக் கட்டைகளை விலைக்கு வாங்கினான்! அதன் பின் மந்திரி அந்தக் கட்டைகளை எடுத்துச் சென்று அரசனிடம் நேற்று அரசன் சொன்ன அந்த சந்தன மரக் கடைக்காரன் அரசனுக்கு இதைப் பரிசாக வழங்கியதாகக் கூறி அதை அரசனிடம் தந்தான்!
அதைப் பிரித்து அந்தத் தங்க நிறமுள்ள சந்தனக் கட்டைகளை எடுத்து முகர்ந்த அரசன் மிகவும் மகிழ்ந்தான்! அந்தக் கடைக்காரனை கொல்லும் எண்ணம் தனக்கு ஏன் வந்ததோ என்று வெட்கப்பட்டான்!
அரசன் அந்தக் கடைக்காரனுக்கு சில பொற்காசுகளைக் கொடுத்தனுப்பினான்! அரசன் கொடுத்தனுப்பியதாக வந்த பொற்காசுகளைப் பெற்றுக் கொண்ட வியாபாரி அதிர்ந்து போனான்! அந்தப் பொற்காசுகளால் அவனது வறுமை தீர்ந்தது!
இன்னும் அந்தக் கடைக்காரன் இத்தனை நல்ல அரசனை தன்னுடைய சுயநலத்துக்காக இறக்க வேண்டும் என்று தான் எண்ணியதற்கு மனதுக்குள் மிகவும் வெட்கப்பட்டு வருந்தினான்!
அத்துடன் அந்த வியாபாரி மனம் திருந்தி நல்லவனாகவும் ஆகிப் போனான்!
குரு சிஷ்யர்களைக் கேட்டார் “ சீடர்களே இப்போது சொல்லுங்கள் கர்மா என்றால் என்ன?” என்றார்! பல சீடர்கள் அதற்கு பல விதமாக “கர்மா என்பது நமது சொற்கள், நமது செயல்கள், நமது உணர்வுகள், நமது கடமைகள்” என்றெல்லாம் பதில் கூறினர்!!
குரு பலமாகத் தலையை உலுக்கிக் கொண்டே கூறினார்..
“இல்லையில்லை கர்மா என்பது நமது எண்ணங்களே “
நாம் அடுத்தவர்கள் மேல் நல்ல அன்பான எண்ணங்களை வைத்திருந்தால் அந்த நேர்மறை எண்ணங்கள் நமக்கு வேறேதேனும் வழியில் சாதகமாகத் திரும்பி வரும்!
மாறாக நாம் அடுத்தவர் மேல் கெடுதலான எண்ணங்களை உள்ளே விதைத்தால் அதே எண்ணம் நம் மேல் கெடுதலான வழியில் திரும்பவும் வந்து சேரும்..
நாம் எதை தேடுகிறோமோ அதுவே கிடைக்கும்.
நாம் எதை நினைக்கிறோமோ அதுவே நடக்கும்…
நல்லதையே தேடுவோம்…
நல்லதையே சிந்திப்போம்…
நல்லதே நடக்கட்டும்!
திருச்சிற்றம்பலம்
எதை விதைக்கிறோமோ அதுதான்விளையும்
மேலும் பல ஆன்மீகத்தகவலுக்கு

பூம்பாறை குழந்தை வேலப்பர் கோவில்

Standard

பூம்பாறை குழந்தை வேலப்பர் கோவில்

 

இயற்கை அழகு இராணி கொடைக்கானல் வண்ண அழகு நகரில்

இந்தியாவில் உள்ள எல்லா கோவில்களிலும் ஐம்பொன் வெங்கலம் கற்களால் ஆன சிலைகள்தான் உள்ளன. ஆனால் இந்தியாவில் உள்ள இரண்டு கோவில்களில் மட்டுமே நவ பாஷானத்தால் உருவாக்கப்பட்ட அபூர்வமான சிலைகள் உள்ளன, அவை

1, பழனி மலை மீதுள்ள தண்டாயுதபாணி முருகன் சிலை,

2. பூம்பாறை மலையில் உள்ள குழந்தை வேலப்பர் முருகன் சிலை.

உலகிலேய நவபாஷான சிலையை உருவாக்கி பிரதிஷ்டை செய்தவர் மாமுனிசித்தர் போகர் என்ற மாமுனிவராகும்.  இவர் உருவாக்கிய பழனி மலை முருகன் மட்டும் தான் என்று எல்ேலாரும் அறிவர் ஆனாலும் பூம்பாறை முருகன் சிலையும் அவர்தான் நவபாஷானத்தால்உ ருவாக்கியவர் என்பது அறியாத தெரியாத செய்தியும் கூட, அதுபோல் அருள் பாலிப்பதிலும் பழனி முருகன் போன்று அருள் தர வல்லவர் என்பது அந்த கோவிலு்க்கு சென்று அனுபவ ரீதியாக பயன் அடைந்தவர்களுக்குத்தான் தெரியும்.

சுமார் 10/12ம் நூற்றாண்டு வாக்கில் மாமுனி சித்தர் போகர் தமிழ் நாட்டில் சுற்றுப்பயணம் மேற்கொண்டார். பாண்டவர் வனவாசம் மேற்கொண்டபோது கடைசி 12வது வனமான பழனி கொடைக்கானல் மேற்கு தொடர்ச்சி மலையாகும். பழனி மலைக்கும், பூம்பாறை மலைக்கும் நடுவில் உள்ள யானை முட்டி குகையையில் அமர்ந்து, தான் கற்று வந்த கலைகளை சோதிக்க அதற்கான மூலிகைகள் ராசாயண பொருட்கள் சேகரித்து முதலில் ஒரு முருகன் சிலையை உருவாக்கினார். அந்த சிலையைத் தான் பழனி மலை மீது பிரதிஷ்டை செய்தார். தண்டம் கொண்டு அச்சிலையை உருவாக்கியதால் அதற்கு தண்டாயுதபாணி என்று பெயர் சூட்டினார்.

அக்கோ விலை இறைவனிடம் வேண்டி சிவ பூதங்களால் கோவில் மற்றும் மண்டபகங்களை கட்ட செய்தார் என்பது வரலாறு.

பின்னர் மறுபடியும் சீீனநாட்டிற்கு சென்று பஞ்சபூத சக்திகளை மீண்டும் பெற்று யானை முட்டி குகைக்கு வந்து ஞான நிலையை அடையும் பிரம்மத்தை உணர்ந்து கொள்ளவும் ஆதிபராசக்தியின் துணைகொண்டு குருமூப்பு என்ற அருமருந்தை நிலைநிறுத்தவும் பஞ்சபூதங்களை நிலைப்படுத்தி அதன் மூலம் குருமூப்பு சிலையை உருவாக்கினார், அந்த சிலைதான் பூம்பாறை மலையுச்சியுள்ள சேர மன்னன் தவத்திற்கு பழனி முருகன் திருமண காட்சியளித்து ேசர மன்னனால் கட்டப்பட்ட திருமண மண்டபத்தில் பிரதிஷ்டை செய்தார்.

அருணகிரிநாதர் பூம்பாறை மலைக்கு வந்து முருகனை தரிசிக்க வந்தார். அப்போது இரவு நேரமானதால் கோவில் மண்டபத்தில் தங்கி தூங்கிவிட்டார். அப்போது ராட்சசி ஒருவள் அருணகிரிநாதரை கொல்ல வந்தபோது முருகன் குழந்தை வடிவம் கொண்டு காவியுடை அணிந்திருந்த  அருணகிரி     நாதர்           மீது             ஏறி விளையாடிக்கொண்டிருந்ததைக்கண்டு குழந்தையும் தாயும்தான் தூங்கிக்கொண்டிருக்கிறார்கள் என்று எண்ணி அருணகிரிநாதரைக் கொல்லாமல் சென்று விட்டதாம். ,இதனை தனது ஞான திருஷ்டியால் நடந்த சம்பவத்தை கண்டு குழந்தை வேடம் வந்து தன் உயிரை காப்பாற்றியதால் குழந்தை வேலர் என்று அழைக்கப்பட்டு குழந்தை வேலப்பராக இன்றும் அருள் பாலித்து வருகிறார். அவரின் பக்கத்திலேயலே அருணகிரிநாதருக்கும் சிலையுடன் கோவில் உள்ளது.

வேண்டுவோரரின் பாவ வினைகள் தீர்த்து குழந்தை வடிவம் கொண்டு தன்னை வழிபடும் பக்தர்களை அருள் பாலித்து வருகிறார் குழந்தை வேலப்பர்.

கொடக்கானல் மலை வரும் பக்தர்கள் அருள்மிகு குழந்தை வேலப்பரையும் கண்டு வணங்கி வழிட்டு அருள் பெற அன்புடன் வேண்டுகிறோ ம்.

திருச்சிற்றம்பலம்

அன்புடன் வை.பூமாலை,

மேலும் பல ஆன்மீகத்தகவலுக்கு

https://vpoompalani05.blogspot.in/

https://vpoompalani05.wordpress.com/

ஆதி விநாயகர்

Standard

ஆதி விநாயகர்

விநாயகர் என்றாலே, யானை முகத்தோனாகத் தான், தரிசித்துள்ளோம். அவரை மனித முகத்துடன் தரிசிக்க, திருவாரூர் மாவட்டம் செதலபதி முக்தீஸ்வரர் கோவிலுக்கு தான் செல்ல வேண்டும்.
பார்வதி தேவி, தன் உடலில் இருந்து ஆண் குழந்தை ஒன்றை உருவாக்கி, அதற்கு, ‘விக்னேஷ்வரன்’ என்று பெயரிட்டாள். ஒரு நாள், மனித முகத்துடன் இருந்த விக்னேஷ்வரரை அழைத்து, தன் இருப்பிடத்திற்குள் யாரையும் அனுமதிக்க வேண்டாம் என்று கட்டளை பிறப்பித்தாள். விக்னேஷ்வரன் வாசலில் காவலுக்கு இருந்த போது அங்கு வந்தார், சிவன். அவரை, அன்னையின் இருப்பிடத்திற்குள் அனுமதிக்கவில்லை, விக்னேஷ்வரர். தான் பார்வதியின் கணவர் என்று கூறியும், அனுமதி மறுத்து விட்டார்.
இதனால், சிவனுடன் வந்த நந்தீஸ்வரர், விநாயகருடன் சண்டையிட்டார். அவரையும், மற்ற பூத கணங்களையும் விரட்டியடித்தார், விக்னேஷ்வரன். கோபமடைந்த சிவன், விக்னேஷ்வரனின் தலையை வெட்டி விட்டார். விபரமறிந்து ஓடி வந்த பார்வதி, தன் மகனை உயிர்ப்பிக்க வேண்டும் என்று அழுதாள். தன் பூத கணங்களிடம், ‘வடக்கு நோக்கி யார் படுத்திருக்கின்றனரோ, அவர்களின் தலையைக் கொய்து வாருங்கள்…’ என்றார், சிவன்.
யானை ஒன்று வடக்கு நோக்கி படுத்திருக்க, அதன் தலையைக் கொய்து வந்தனர், பூதக்கணங்கள். அந்த தலையை குழந்தைக்கு பொருத்தி, உயிர்ப்பித்தார், சிவன். அத்துடன், அக்குழந்தையை, தன் பூதக்கணங்களுக்கு தலைவனாக்கி, ‘கணபதி’ என்று பெயர் வைத்தார். மேலும், எந்த பூஜை செய்தாலும், அவரை வழிபட்ட பின் துவங்கினால் தான்,வெற்றி கிடைக்கும் என்ற சிறப்பு அந்தஸ்தை அளித்தார். இதனால், கணபதியை, விநாயகர் என்றனர். ‘வி’ என்றால், வெற்றி; ‘நாயகர்’ என்றால், தலைவன். வெற்றி நாயகன் ஆனார், விநாயகர்.
மற்றொரு வரலாறும் உண்டு. கஜமுகாசுரன் என்பவன் யானை முகத்துடன் அட்டகாசம் செய்தான்; அவனை வென்ற கணபதி, அவனது முகத்தை தனக்கு பொருத்திக் கொண்டதாகவும் தகவல் உண்டு.
விநாயகருக்கு யானை முகம் கிடைப்பதற்கு முன், மனித முக விநாயகருக்கு செதலபதியில் சன்னிதி அமைக்கப்பட்டது.
இந்த ஊருக்கு வந்த ராமபிரான், தன் தந்தை தசரதர் மற்றும் சீதையைக் கடத்திய ராவணனுடன் போரிட்டு மடிந்த, கழுகரசர் ஜடாயு ஆகியோருக்கு சிராத்தம் செய்தார். அவர் பிடித்து வைத்த நான்கு பிண்டங்களும் லிங்கங்களாக மாறின. அவற்றை வணங்கும் நிலையில் ராமர் சன்னிதி ஒன்று பிரதிஷ்டை செய்யப்பட்டுள்ளது. மூலஸ்தானத்திலுள்ள சிவன், முக்தீஸ்வரர் எனப்படுகிறார்.
சூரியனும், சந்திரனும் சந்திக்கும் நாளே அமாவாசை; இங்கே இருவரும் இணைந்திருப்பதால், இக்கோவிலை, ‘நித்ய அமாவாசை’ தலம் என்பர். இங்கு, பிதுர் தர்ப்பணம் செய்ய அமாவாசை, திதி, நட்சத்திரம் பார்க்கத் தேவையில்லை. எந்த நாளில் வேண்டுமானாலும் சிரார்த்தம், தர்ப்பணம் செய்யலாம்.
செதலபதி முக்தீஸ்வரர் கோவில் இதுவும் பாடல் பெற்ற சிறப்பு தலமான கோவிலுடன் சேர்ந்தது. திருவாரூர் – மயிலாடுதுறை சாலையில், 20 கி.மீ., தூரத்திலுள்ள பூந்தோட்டம் சென்று, அங்கிருந்து பிரியும் சாலையில், 4 கி.மீ., சென்றால் கோவிலை அடையலாம்.

திருச்சிற்றம்பலம்

ர் கோவிலு

அட்டமா சித்திகள்

Standard

அட்டமா சித்திகள்

சித்தம் என்பது மனமாகும். தன்னிச்சையாகத் திரியும் மனதினை அடக்கி, இறைவனிடம் செலுத்துகின்றவர்கள் சித்தர்கள் ஆவார். சித் – அறிவு, சித்தை உடையவர்கள் சித்தர்கள். “சித்தர்” என்ற சொல்லுக்கு சித்தி பெற்றவர் என்பது பொருள். மருத்துவம், யோகம், சோதிடம், மந்திரம், இரசவாதம் போன்ற அரிய அறிவியலையும் தந்தவர்கள் சித்தர்கள். எட்டு வகையான யோகாங்கம் முலம் எண் சித்திகளை பெற்றவர்கள் சித்தர்கள் ஆவார். அத்தகைய சித்திகளைத் திருமந்திரம் விளக்குகிறது.

எண்வகை சித்திகள்:

1. அணிமா

2. மஹிமா

3. லஹிமா

4. கரிமா

5. பிராப்த்தி

6. பிரகாமியம்

7. ஈசத்துவம்

8. வசித்துவம்

விளக்கம் தரும் பாடல்

“அணுவினும் நுண்ணுருவு கொளல் அணிமாவாம்,அவற்றின்

அதி வேகத்து இயங்கியும் தோய்வற்ற உடல் லகிமா,

திணிய பெருவரை என மெய் சிறப்புறுகை பகிமா,

சிந்தித்த பலம் எவையும் செறிந்துறுகை பிராப்த்தி,

பிணை விழியர் ஆயிரவரொடும் புணர்ச்சி பெறுகை

பிரகாமி,ஈசிதை மாவலியும் அடி பேணி

மணமலர் போல் எவராலும் வாஞ்சிக்கப்படுகை

வசி வசிதை வலியாரால் தடுப்பரிய வாழ்வே!”

நூல் – சிவதருமோத்தரம், சிவஞானயோகவியல், 90 சிவதருமோத்தர உரை மேற்கோள், 16 ஆம் நூற்றாண்டுப் பாடல்.

1. அணிமா:

பெரிய ஒரு பொருளை தோற்றத்தில் சிறிய தாகக்காட்டுவது/ ஆக்குவது.

முடிந்திட்டு வைத்து முயங்கி ஓர் ஆண்டில்

அணிந்த அணிமாகை தான் ஆம் இவனும்

தணிந்த அப் பஞ்சினும் தான் ஒய்யது ஆகி

மெலிந்து அங்கு இருந்திடும் வெல்ல ஒண்ணாதே.

2. லஹிமா:

கனமான பொருளை இலேசான பொருளாக ஆக்குவது

Laghima: becoming almost weightless

ஆகின்ற அத் தனி நாயகி தன்னுடன்

போகின்ற தத்துவம் எங்கும் புகலது ஆய்ச்

சாகின்ற காலங்கள் தன்வழி நின்றிடின்

மாய்கின்றதை ஆண்டின் மால் அகு ஆகுமே.

3. மஹிமா:

சிறிய பொருளைப் பெரிய பொருளாக்குவது.

Mahima: expanding one’s body to an infinitely large size

மெய்ப்பொருள் சொல்லிய மெல் இயலாள் உடன்

தன் பொருள் ஆகிய தத்துவம் கூடிடக்

கைப் பொருள் ஆகக் கலந்திடும் ஓர் ஆண்டின்

மைப் பொருள் ஆகும் மகிமா அது ஆகுமே.

4. பிராப்த்தி:

எவ்விடத்திலும் தடையின்றி சஞ்சாரம் செய்வது.

Prāpti: having unrestricted access to all places

நின்றன தத்துவ நாயகி தன்னுடன்

கண்டன பூதப் படை அவை எல்லாம்

கொண்டவை ஓர் ஆண்டு கூட இருந்திடில்

விண்டதுவே நல்ல பிராத்தி அது ஆகுமே.

5. கரிமா:

இலேசான பொருளை மிகவும் கனமான பொருளாக ஆக்குவது.

Garima: becoming infinitely heavy

ஆகின்ற மின் ஒளி ஆவது கண்டபின்

பாகின்ற பூவில் பரப்பவை காணலாம்

ஏகின்ற காலம் வெளிஉற நின்றது

போகின்ற காலங்கள் போவதும் இல்லைஏ

6. பிரகாமியம்:

வேண்டிய உடலை எடுத்து நினைத்தவரிடத்தில் அப்போதே தோன் றுதல்.

Prākāmya: realizing whatever one desires

அறிந்த பராசத்தி உள்ளே அமரில்

பறிந்தது பூதப் படை அவை எல்லாம்

குவிந்து அவை ஓர் ஆண்டு கூட இருக்கில்

விரிந்தது பரகயம் மேவலும் ஆமே.

7. ஈசத்துவம்:

ஐந்து தொழில்களை நடத்துதல்.

Iṣṭva: possessing absolute lordship

நின்ற சதாசிவ நாயகி தன்னுடன்

கண்டன பூதப் படை அவை எல்லாம்

கொண்டவை ஓர் ஆண்டு கூடி இருந்திடில்

பண்டை அவ் ஈசன் தத்துவம் ஆகுமே.

8. வசித்துவம்

ஏழுவகைத் தோற்றமாகிய தேவ, மானிட, நரக, மிருக, பறப்பன, ஊர்வன, மரம் முதலிய வற்றைத் தம்வசப்படுத்துதல்.

Vaśtva: the power to subjugate all.

தன்மை அது ஆகத் தழைத்த கலையின் உள்

பன்மை அது ஆகப் பரந்த ஐம் பூதத்தை

வன்மை அது ஆக மறித்திடில் ஓர் ஆண்டின்

மென்மை அது ஆகிய மெய்ப் பொருள் காணுமே.

திருச்சிற்றம்பலம்

மேலும் பல ஆன்மீகத்தகவலுக்கு

https://vpoompalani05.blogspot.in/

https://vpoompalani05.wordpress.com/